أنا بساعد ماما من و انا صغيرة أوي
بس أول مرة أطبخ لوحدي كانت في أولى جامعة
2/ وش أول شي طبختيه؟
اممم
كانت مكرونة بالباشاميل
3/ ماردة فعل اللي طبختي لهم وكلوا من أكلك لأول مره؟
بإستثناء شكلها اللي كان عجيب
بس و الله كانت حلوة أوي
4/ ماهو شعورك من خلال أول ردة فعل؟
فرحانة علشان عجبتهم
حتى لو بيجاملوني
يحمدو ربنا أني افتكرتهم بحاجة اصلا
5/ هل مازلتي تطبخين حتى الأن؟
في أوقات و أوقات مش على طول
6/ تحبين المطبخ ولاّ ؟
أيون
بس بحب أعمل حلويات أكتر من الطبخ ,,
7/ موقف طريف مر عليك أثناء الطبخ ؟
ولعتلهم في المطبخ قبل كده
كنت عايزة اتعشى فلاقيت قطعتين ناجتس
قلت يلا عليهم
حطيت الزيت على النار و خرجت من المطبخ
رحت اكلم واحدة صحبتي على الميل
بعد نص ساعة او ساعة مش فاكرة
لاقيت البيت بقى لونه رصاصي
قلت يمكن عايزة انام
الدنيا كل شوية تغمق تغمق تغمق بردو مش فاكرة
شوية و الجوع قرصني أوي في بطني افتكرت الزيت
جريت على المطبخ لاقيت الزيت فاير و الحلة مولعة
طبعا أختكو ما تتوصاش في درجة الذكاء
مش واخدة بالي ان ده زيت
قلت اطفي النار ,, اطفيها باييييييييييييييييييييييييييييييييييييه
بميه
و عينك ما تشوف الا النور لاقيت نار ولعت في المطبخ كله و انا جوا
كنت هبقى فرجينا جميلة الجميلات في اخر ايامها
الحمد لله بابا صحى و طفاها
و فقدنا وحدتين من المطبخ
و فضلت اليوم ده من غير عشا
8/ هل تؤيدين دخول زوجك للمطبخ لمساعدتك او ليطبخ عنك ؟
لما أبقى عيانة أوك ,,
أصل دخول الرجالة المطبخ كارثة و قنبلة على وشك الإنفجار
و ما فيش مانع يعمل العشا
علشان انا مش بعرف اعمل البيض الأومليت
9/ احسن طبخه تحبينها وتنصحين بقية الاعضاء بتجبربتها؟
لا هي مش أكلة
كوباية لبن على الصبح و واحدة قبل النوم و كله هيبقى تمام
10/ جاوب باختصار ؟
على أن لا تقل الإجابة عن 100 سطر
++نصيحه منك للمبتدئين في الطبخ
خليكو مبتدئين علشان الكل يمدح في أكلكو حتى لو وحش
++اختاري ثلاث من الاكلات او المشروبات واهديها لمن تحبين من الاعضاء
رد: استجواب في المطبخ
الــلــهــم بـــلــغـــنــــا رمــضــانــ
العرض العادي
