-=- كــلــمــات الــبوم ( رباعيات في حب الله ) -=-

الموضوع في 'عـالـم الفن' بواسطة HaMaDa.ALO, بتاريخ ‏26 سبتمبر 2009.

  1. HaMaDa.ALO

    HaMaDa.ALO :: مؤسسي المنتدى :: V I P

    [​IMG]

    [​IMG]

    1_((الليل طويل ))

    الليل طويل وانا ابتديت
    والنور جميل شوفته بكيت
    ربك غفور فى قلبى نور
    وانا روحى شمعه فى كل بيت
    [​IMG]
    2_((انا بدعى))

    انا بدعى فى ليله القدر
    وبحلم بالرضا والستر
    اله الكون يصبرنى
    وانا ماسك فى ايدى الجمر..........يا يا ياالله

    [​IMG]
    3_((انا وشى ليه ))

    انا وشى ليه شاحب
    والهى لي حاسب
    فى ذنوب انا غرقان
    من الكعب للحاجب........يا يا يا الله
    [​IMG]
    4_((بجرى على مهلى))

    بجرى على مهلى
    وشيطان بيندهلى
    وانا بستغيث يا غفور
    تسامحنى على جهلى
    [​IMG]
    5_((بكيت فى غروبى))

    بكيت فى غروبى
    ياشمس البصيره
    وبفرد ذنوبى
    وانام على الحصيره
    بفضله وكرمه انا زورت حرمه
    وبشبع بنوره بعينى الضريره
    [​IMG]
    6_((توبت ياربى))

    توبت ياربى وقلبى جريح
    نقطه مطره تخاف من الريح
    واى سراب يبانلى سحاب
    ونفسى اكون فى الحق صريح
    [​IMG]
    7_((جانى الريح))

    جانى الريح بيقول للراوى
    والمصابيح من برج سماوى
    زرعت الحب بزور وتقاوى
    وكنت جريح والرب يداوى
    [​IMG]
    8_((حلو ومر))

    حلو ومر الصبر يمر
    والحكمه من طبع الحر
    سر القلب يبان فى الحب
    حب الله فى ايديه الامر
    [​IMG]
    9_((دوام الحال))

    دوام الحال يا دنيا محال
    لاعز يدوم ولاأرث مال
    ولما بعوز يارب كنوز
    تشبعنى بلقمه حلال.......يا يا يا الله
    [​IMG]
    10_((ذره سكر))

    ذرة سكر فى الفنجان
    قالت الرحمه من الرحمن
    لما بدوب من الحب فى نوره
    روحى تشبع اى جعان..........يا يا يا الله
    [​IMG]
    11_((ذو الجلالة ))

    ذو الجلال والكمال زيدنى من نعمتك
    القمر بدر وهلال والتمام بقدرتك
    مهما ههرب من الزنوب العيون فى القلوب
    ببكى ليك لما اكون
    واتعشم فى رحمتك

    يا الله
    [​IMG]
    12_((رب الارباب))

    رب الارباب وحنين تواب
    العيشه عذاب فى زمن كداب
    صبرنى يارب على اللى انا فيه
    وافتحلى بنورك مليون باب
    [​IMG]
    13_((رب احمينى))

    رب احمينى فى الزمن القاسى
    لما اخاف من اهلى وناسى
    من مخلوق يقدر يحاسبنى
    وقصاد ابنى اطاطى له راسى.....يا يا يا الله
    [​IMG]
    14_((سامحنى ياربى))

    سامحنى ياربى انا كنت طاغى
    بأيدى بداوى العيب بالعيب
    لحاد ما جانى مريض وشفانى
    ونفسى اموت وانا طاهر الايد
    [​IMG]
    15_((سبحان الله))

    سبحان الله من غيره اناديه
    للروح الطاهره الف دليل
    فى شروق وغروب بترش النور
    وتشوف الشمس فى نص الليل

    سبحان الله
    [​IMG]
    16_((سبحان الله 2 ))

    سبحان الله النور وهاج
    وجميل الصورة من غير تاج
    ورسول الله بيطير فى سماه
    بيقابل ربه فى المعراج............الله الله
    [​IMG]
    17_((طيبون طيبات))

    طيبون طيبات
    والربيع من النبات
    بدعى من قلبى واقول
    يارب سترك على البنات
    [​IMG]
    18_((عطر طيب ))

    عطر طيب من النسيم
    من الصراط المستقيم
    يا رحيم يا كريم
    خدنى من دار اللئيم
    [​IMG]
    19_(( عيبو مستور ))

    عيبه مستور
    يخاف من النور
    وليل ونهار ينام فى بحور
    لكن ربه شايف قلبه
    وقادر يكشف المستور
    [​IMG]
    20_((قلت اعوذ ربى ))

    قلت اعوذ يارب الناس
    من الوسواس من شر الناس
    من جهلى ومن قلت حيلتى
    لما اشك فى كل الناس..........يا الله
    [​IMG]
    21_((قلت ياريت))

    قلت ياريت وعملت العيب
    واستنيت يداوينى طبيب
    مهما ندمت انا هعمل ايه
    ربى عليم بحجاب الغير
    [​IMG]
    22_((لا اله الا الله))

    لا اله الا اللـــــــــه
    وارضى بقضاء الله
    واصبر على بلواه
    وملكش الا رضاه
    [​IMG]
    23_((ليه بكيت))

    ليه بكيت فى المنام
    لما صليت فى المقام
    كنت بتوضى بدموعى
    والملاك هو الأمام
    [​IMG]
    24_((نورهم بين ))

    نورهم بين اياديهم
    وضميرهم بينجيهم
    بدعى تنولنى ياربى
    وامشى على الشوك وسطيهم
    [​IMG]
    25_((نورهم طاهر))

    نورهم طاهر بين اياديهم
    ربنا عالم وبيديهم
    اتوضيت من نهر دموعهم
    ونفسى اصلى وانا وسطيهم
    [​IMG]
    26_((يا الله))

    يا الله الله
    بخاف من الناس ومن خوفهم
    وقلبى مرايه بتشوفهم
    واهل الروح فى نور الله
    ولو غمضت بعرفهم
    ولو غمضت بعرفهم
    [​IMG]
    27_((يارب انا ذنبى ))

    يارب انا ذنبى زلزلنى
    وطلعنى ونزلنى
    ولو تسامحنى ياربى
    مفيش مخلوق يزعلنى
    [​IMG]
    28_((ياربى حزين))

    ياربى حزين انا بينهم
    وانا منهم ومش منهم
    فى كل صلاه بقول الله
    اوامرك مش اوامرهم..........يا الله ياااااااااااا الله
    [​IMG]
    29_((يا طير الروح))

    ياطير الروح واخدنى لفين
    انا مجروح وهشكى لمين
    تداوى جروحى فى زمزم
    وبنسى همومى فى الحرمين
    [​IMG]
  2. .:: mix_olgy ::.

    .:: mix_olgy ::. Banned Banned

    رد: -=- كــلــمــات الــبوم ( رباعيات في حب الله ) -=-

    أشطه عليك ياوات
  3. خوّخٍهّ

    خوّخٍهّ .:: MouNir Lovers ::. V I P

    رد: -=- كــلــمــات الــبوم ( رباعيات في حب الله ) -=-

    تسلمـ ايدكـ يا حماده

    مجهود جمييلـ ياقمر

    تحيـــــــــــــاتىآ الطيبه لكـ* :ذ
  4. ♣♥ ♠ŞНicКα♠ ♥♣

    ♣♥ ♠ŞНicКα♠ ♥♣ ♠ ♥♣ MixoLGY Team ♠ ♥♣ User Mixawy

    رد: -=- كــلــمــات الــبوم ( رباعيات في حب الله ) -=-

    الله على الكلااام والله عليكـ ياحمااده
  5. HaMaDa.ALO

    HaMaDa.ALO :: مؤسسي المنتدى :: V I P

    رد: -=- كــلــمــات الــبوم ( رباعيات في حب الله ) -=-

    ربنا يخليكم يا شباب

    منورني ومنورين قسم الكينج
  6. شَقٌــاوة

    شَقٌــاوة Shim V I P

    رد: -=- كــلــمــات الــبوم ( رباعيات في حب الله ) -=-

    تسلم يا حمادة
  7. HaMaDa.ALO

    HaMaDa.ALO :: مؤسسي المنتدى :: V I P

    رد: -=- كــلــمــات الــبوم ( رباعيات في حب الله ) -=-

    تسلمي يا شيمووو

    منورة التوبيك .
  8. Snow Wh!te

    Snow Wh!te ||No Limit 4 Creation|| V I P

    رد: -=- كــلــمــات الــبوم ( رباعيات في حب الله ) -=-

    تسلم ايدك يا حماده
  9. HaMaDa.ALO

    HaMaDa.ALO :: مؤسسي المنتدى :: V I P

    رد: -=- كــلــمــات الــبوم ( رباعيات في حب الله ) -=-

    تسـلمي سـنوهايه

مشاركة هذه الصفحة